關於我的16件事

規則：當你比人tag左，就要寫一篇note，內含16項有關你的事情，習慣，喜好，目標.... 或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你多d.

1. 有時訓覺會不醒人事, 大學有次鬧鐘響左1個鐘都唔起身, 與音樂同睡, 當時響鬧歌是 Beyond"抗戰二十年", 貪佢夠嘈, 點知嘈到鄰居忍唔住拍門提我熄鬧鐘

2. 愛所有"湯"的食物, 牛腩河, 豚肉拉麵, 嫩雞煨面, 雲南米線小辣, 先呷一口湯最要緊

3. 有鋪"找路"癮, 自己找方向用雙腳complete左一段路有莫名其妙的滿足感, 看地圖是嚐好

4. 手造禮物, 懶係獨特

5. 覺得人應該是multi-discipline, 而不是企業小縲絲, 差理卓別靈會同我好夾

6. 想日日番中大sit 堂, 落堂同妹妹食西多飲奶茶, perfect~

7. 想試下做街邊檔sales, 買神奇封袋口機, 快速碎肉刀, "人地吉之島賣$120, 今日我$40都唔收你, 仲送多一套精鋼去骨刀, 再俾埋set奈米百潔布, 限頭十位買家, 有買快手啦喂........."

8. 會造一所企業

9. 信人性善, 信信望愛

10. 會從香港騎單車到英國, 估計六個月

11. 唱國歌, 校歌會感動流淚

12. 興趣多而冇樣精, 吉他扯鈴單車維修web羽毛球internet ad下棋畫畫Snapshot街頭藝術, 暫時仲想寫劇本drama武術記者幫人洗頭按摩

13. 每次飛機起飛降落都想像如果此刻生命終結會怎麼樣

14. 相信長線投資儲蓄, 無謂拘泥波動上落心煩, 市場擴張企業盈利會帶來十數倍以上回報

15. 鍾情天真爛漫鄰家feel又有思想的小聰明女生, 快來征服我吧哈哈

16. 幻想所有朋友搬埋一齊住, 好似讀書宿舍咁, 隨時吹水食麵喝酒, 遲d整條屬於自己既街, 有書店咖啡座酒吧單車店按摩店Band房旅人之家Home office街頭雜技Design studio電影會畫廊photography小型球場通通係埋一齊, Fusion的小社區, 有我們的街道文化

唔

903

中學日日都聽商台903

第一個聽的節目<<森美變態樂園>>
果時森美唔紅, 我以為佢係超肥仔, 好似谷德昭咁既樣
小儀只係兼半個節目呢做, 聲幾甜, 我幻想佢係索女
果時冇得上網, DJ咩樣完全唔知, 靠估係咁上下
節目phone in 玩遊戲有餐盒送, 唔敢打上去玩, 覺得好遙遠

當時人人都淨係識wyman, 蘭茜
同晚晚聽卓韻芝, GCgooBi,我未成年
到初戀拿渣麵
仲送左小苦妹公仔俾我妹妹, 因為佢覺得佢大佬有D苦榮feel (我形住o者)

之後森美小儀dotdotdot
鼓起勇氣打上去講野, 原來係打幾十次都打唔通
終於通到一次, 我仲要是但作個假名, 怕俾同學仔認得
一直幻想做電台好過隱
但係又驚萬一接通了, 全香港人都聽到我講野就咬底非常
給果, 捧住電話成個鐘都沒接我入去,
我記得當年仲係用屋企電話, 唔興手提

大學之後訓覺都唔關收音機,
絕情谷大細joe到無人駕駛到播音樂的深宵節目
茜嘉姐姐成日嘈醒我, 佢做早上節目, 聲線好醒晨

上佢節目, 好舒服, 錄音室充滿笑聲
係個好主持!~
人大了,原來進錄音室沒了小時候幻想的興奮緊張


呵呵, 我好似做左謝茜嘉粉絲,
其實係幫仍在唸中學的朋友拿簽名, 當是新年禮物同佢地打打氣
佢地迷電台, 好似當年的自己

December 下 (下回分解)

有種陌生感
只能順從我的心去帶領

香港, 是我的大本營, 但不是邊界
花蓮, 是讓人感動的地方, 我要再去
台南, 是很理想的節奏, 還有我惦記的朋友
西藏, 是我要探索的神秘靈地
日本, 是要嘗嘗的鮮味
杭州, 是退休天堂, 但我未為此福地做好心理準備